Presidenti Meta takon Kryeministrin e Izraelit: Një marrëdhënie unike mes popujve tanë

Presidenti i Republikës, Ilir Meta me ftesë të Presidentit të Republikës Franceze, Emmanuel Macron, ndodhet për një vizitë zyrtare në Francë ku do të marrë pjesë në Ceremoninë e 100-vjetorit të Armëpushimit të Luftës së Parë Botërore dhe në Forumin e Parisit për Paqen.

Ndërkohë gjatë qendrimit në Francë, Meta është takuar me kryeministrin e Izraelit, Benjamin Netanyau.

“Një marrëdhënie unike mes popujve tanë në respekt e mirënjohje të historisë dhe të dëshirës për një marrëdhënie edhe më të ngushtë në të ardhmen”, shkruan Meta në një postim në Facebook.

Takimi mes Metës dhe Netanjahut ka ardhur pas anulimit të vizitës të këtij të fundit që ishte parashikuar për në datën 1 nëntor.

Postimi i plotë Presidentit Meta:

Kënaqesi të takohesha në Paris me Kryeministrin e Izraelit, Benjamin Netanyahu. Një marrëdhënie unike mes popujve tanë në respekt e mirënjohje të historisë dhe të dëshirës për një marrëdhënie edhe më të ngushtë në të ardhmen. ?????