Presidenti pret nxënësit shqiptarë të shkollës Dacaj të Rozhajës te Malit të ZI

Presidenti Meta ishte sot në Durrës me nxënësit e Dacaj Rozhajës të Malit të Zi. Pas takimit ai shkruan:

“Shumë i lumtur të ndaja sot në Durrës momente të jashtëzakonshme, tepër të këndshme dhe interaktive, me nxënësit e mrekullueshëm të shkollës 9-vjeçare në gjuhën shqipe në Dacaj të Rozhajës, të cilët prej dy ditësh po vizitojnë Shqipërinë. Ruaj kujtime mbrësëlënëse nga vizita ime e pak muajve më parë në shkollën e tyre dhe ndihem mirë që këta fëmijë, shkëlqejnë në mësime, e duan kaq shumë Shqipërinë dhe ndihen krenarë që janë shqiptarë.
Mirënjohje e falënderim për stafin pedagogjik për përkushtimin që tregojnë në ruajtjen e gjuhës shqipe dhe identitetit kombëtar në këto treva.
Kënaqësi që me ne sot ishte dhe ambasadori i Malit të Zi, z.Dušan Mrdović. Marrëdhëniet tona me Malin e Zi, çdo ditë e më të shkëlqyera”.