Prokuroria kërkon burg me 8 muaj për Tom Doshin dhe dy të tjerë

Prokuroria e Tiranës ka kërkuar sot dënimin me 8 muajt burg për deputetin Tom Doshi. Gjithashtu prokuroria ka kërkuar sërish dënimin e Mark Frrokut me 8 muaj burg. Pretenca është dhënë gjatë ditës së sotme në Gjykatën e Tiranës.

Prokuroria ka kërkuar edhe 1 vit burg edhe për Durim Bamin. Por prokuroria ka bere te ditur se, ka pranuar gjykimin e shkurtuar dhe kerkon nga 8 muaj burg per Doshin, Frrokun dhe Bamin.

Tom Doshi, Mark Frroku dhe Durim Bami akuzohen për kallëzim të rremë për ‘atentatin’ e supozuar ndaj deputetit Ilir Meta.

Dosja e famshme qëndroi gjashtë muaj e bllokuar në Gjykatën e Lartë dhe më pas ka lëvizur sa atje në Gjykatën e Krimeve të Rënda dhe më pas sërish në Gjykatën e Lartë.

Çështja në fjalë bëri bujë në vitin 2015, kur deputeti Tom Doshi tha publikisht se kishte zbuluar një atentat që do të bëhej ndaj tij.

Me datë 4 korrik do jetë radha e mbrojtjes të akuzuarve.