Protesta, Basha mbledh sot strukturat më të larta të PD

Kreu i PD-së, Lulzim Basha do të mbledhë këtë të enjte strukturat më të larta të Partisë Demokratike.

Fillimisht në orën 10:00 në selinë e PD-së do të nisë mbledhja e përbashkët mes Kryesisë dhe grupit të ish-deputetëve, ndërsa më pas do jetë organi më i lartë që do të mblidhet Këshilli Kombëtar. “Ora 10:00 mbledhje e përbashkët e Kryesisë dhe Grupit Parlamentar. Me pas në 11.45 mbledhje e Këshillit Kombëtar”-njofton Partia Demokratike.

Kujtojmë se kjo lëvizje e Partisë Demokratike vjen një ditë pasi u vendos rikthimi në rrugë me protesta. Si datë për protestën e ardhshme të opozitës është caktuar data 8 korrik, ndërsa grumbullimi i militantëve do të bëhet në orën 20:00.