Rama ”lavde” Bashës: Respekt për punën

Kreu i PD-së Lulzim Basha ka zbritur në terren, ku ka treguar mbështetje ndaj familjeve të prekuara nga përmbytjet. Këtë e ka vlerësuar edhe kreu i qeverisë, Edi Rama.

Një foto të kreut të PD-së Basha në Darzezë të Fierit e shpërndanë kryeministri Edi Rama dhe i papërmendur emrin, e falënderon atë.

”Gjithkush prej nesh mund të bëjë punë të mira dhe kur dikush e bën një punë të mirë, sado e vogël a e madhe qoftë, duhet falenderuar e respektuar për atë punë, pavarësisht nëse në jetën e përditshme mendojmë njësoj a mendojmë krejt ndryshe”,-shkruan Rama.