Rama: Nuk është detyra ime të provoj akuzat e atyre që shpifin

Kryeministri Edi Rama i është rikthyer edhe një herë temës së tij të preferuar këto ditë për paketën anti-shpifje.
Kreu i qeverisë citon deklaratën e një gazetari, pa i përmendur emrin, duke shtuar se nuk është detyrë e atij që akuzohet për të provuar të vërtetën, por e atij që akuzon.
“Ti duhet të faktosh pse është shpifje”! Autori i kësaj thënie të ditës quhet Analist (Shpifës me pagesë). Pra, ky paguhet për të shpifur e unë duhet të provoj që Shpifësi shpif!JO!Barrën e provës e ka akuzuesi,prandaj shpifësat do ftohen në gjyq të sjellin prova ose të paguajnë?“,- shkruan Rama në Twitter.
Ky qëndrim i kreut të qeverisë për verifikimin e akuzave bëhet gjatë kohës që është në pushtet, sepse kur ishte në opozitë kishte një tjetër pikëpamje për akuzat që bënte ndaj qeverisë.