Thaçi-Batoni takojnë Ramën dhe ikin në drejtim të paditur në Rinas
Presidenti Hashim Thaçi gjatë ditës është parë diku në Shqipëri, bashkë me drejtorin e Klan Kosovës, Baton Haxhiun.
Thaçi të premten ka zhvilluar takime joformale në Shqipëri, ndërsa më vonë është nisur për një destinacion tjetër.
Në një fotografi që ka siguruar Gazeta Express, Thaçi duket se është nisur diku me mikun e tij, Haxhiun. Në fotografi shihet edhe djali i Presidentit, Endriti.
Megjithatë, Zyra e Presidentit nuk ka njoftuar për ndonjë udhëtim zyrtar të Thaçit.
Presidenti gjatë ditës së sotme është takuar me mikun tjetër të Haxhiut, kryeministrin e Shqipërisë, Edi Ramën, me të cilën kanë uruar Vitin e Ri.
“Qoftë Viti i Shqipërisë, Kosovës dhe krejt shqiptarisë”, ka shkruar Rama mbi fotografinë ku po cakërronte gotën me Thaçin.
Presidenti Thaçi dhe Haxhiu, të cilët deklarohen si miq të mirë, kanë kaluar më herët pushime së bashku dhe kjo është raportuar në media. Verën e kaluar ata ishin mysafirë në jahtin e zëvendeskryeministrit Behgjet Pacolli. /Express/
KOHA JONË SONDAZH
