Top Channel jep lajmin për Tahirin. Po ikën nga Shqipëria?

Dyshimet e Prokurorisë së Krimeve të Rënda se ish-ministri i Brendshëm, mund të largohet jashtë shtetit, duket se po faktohen. Saimir Tahiri ndonëse është nën hetim nga Prokuroria për trafik ndërkombëtar droge dhe korrupsion, ka udhëtuar ditën e sotme drejt Gjermanisë, vend anëtar i zonës Shengen. Lajmin e bën të ditur Top Channel, duke iu referuar burimeve konfidenciale. Top Channel thotë se arsyet e udhëtimit drejt Gjermanisë janë familjare, por kjo mbetet për t’u mësuar më vonë. Udhëtimi i Tahirit jashtë Shqipërisë vjen në një kohë kur ai ka heshtur gjatë për gjetjen e patentave të tij në makinën e Orest Sotës, si dhe për akuzat që i ka ngritur Prokuroria si i implikuar në trafikun e drogës me grupin e Habilajve.

Siç bëhet e ditur, udhëtim i tij drejt Gjermanisë është bërë për shkaqe personale, ndërsa ai pritet të kthehet në Shqipëri ditën e shtunë.

Për Tahirit, prokuroria e Krimeve të Rënda kërkoi arrestimin e tij, lidhur dosjen ‘Habilaj’, por ishte Këshilli i Mandateve dhe Imuniteteve që hodhi poshtë këtë kërkesë.