Tre ambasadorë të rinj paraqesin letrat kredenciale te Presidenti Meta

Diplomatët e rinj të tre shteteve kanë paraqitur sot letrat kredenciale te Presidenti i Republikës së Shqipërisë, Ilir Meta. Ambasadori i Finlandës, Juha Markus Pyykkö, ambasadori i Tajlandës, Tana Weskosith dhe ambasadori i Kazakistanit, Abzal Saparbekuly, janë pritur sot në takime të veçanta nga kreu i shtetit.

Ambasadori i Finlandës

Presidenti i Republikës, Ilir Meta pranoi Letrat Kredenciale të Ambasadorit të ri të Republikës së Finlandës, Juha Markus Pyykkö, rezident në Athinë, të cilin e uroi për 100-vjetorin e Ditës së Pavarësisë dhe i shprehu mirënjohjen për mbështetjen e vyer që Finlanda i ka dhënë Shqipërisë në kuadrin e procesit të integrimit evropian.

Ambasadori i Tajlandës

Presidenti i Republikës,. Ilir Meta pranoi Letrat Kredenciale të Ambasadorit të Mbretërisë së Tajlandës, Tana Weskosith, rezident në Romë.

Ambasadori i Kazakistanit

Presidenti i Republikës, Ilir Meta pranoi Letrat Kredenciale të Ambasadorit të Republikës së Kazakistanit, Abzal Saparbekuly, rezident në Ankara.