Vangjel Dule: Thirrjet në Bularat ishin normale

Kreu i PBDNJ, Vangjel Dule ka folur për mediat lidhur me ngjarjen e Bularatit ku ka justifikuar thirrjet raciste ndaj shqiptarve. Edhe pse ishte pjesë e tubimeve në ceremoninë mortore të ekstremistit grek që mbeti i vrarë, kreu i PBDNJ-së e quan si një akt normal veprimet e disa shtetasve grekë.

Nē intervistën për media, Dule ka nguruar të flasë gjuhën shqipe duke u shprehur veç greqisht. Ndërkohë, kjo ka sjellë revoltën e gazetarëve që i kanë kërkuar të flasë shqip pasi është në tokë shqiptare. Ai tha se të ndaluarit për aktet e kryera do dalin shumë shpejt dhe se veprimet e tyre ishin normale.

Debati me gazetaret:

Gazetarët: Zoti Dule, ju lutem në gjuhën shqipe. Zoti Dule shqip!

Vangjel Dule: “Nga autoritetet policore u njoftuam se bëhet fjalë për 12 shoqërime që janë në proces verifikimi dhe afati maksimal është deri në 10 orë. Shpresojmë që së shpejti të përshpejtohet i gjithë procesi dhe të jenë të gjithë, në normalitetin e tokës së tyre.

Një nga gazetarët e pranishëm: Zoti Dule, keni koment për thirrjet anti-shqiptare që u lëshuan këtu? Jemi në tokë shqiptare?