Vdekja e kryebashkiakut të Ersekës, Rama: Mik i mirë dhe i respektuar

Kryeministri Edi Rama ka shprehur sot ngushëllimet për ndarjen nga jeta të kryebashkiakut të Kolonjës, Arben Malo. Në një postim në rrjetin social FB, Rama vlerëson figurën e Malos.

“ARBEN MALO një mik i mirë dhe pjesëtar i respektuar i familjes sonë të madhe politike, kryebashkiak i Bashkisë së re të Kolonjës propozuar nga LSI, u nda papritur nga jeta. Me respekt për punën e tij të mirë në drejtimin e bashkisë dhe me dhembshuri për humbjen e tij, ngushëllime familjarëve, miqve, qytetarëve të Kolonjës”, shkruan Rama.