Zv/ministri i jashtëm grek telefonon Bushatin: Të zbardhet vrasja e Kacifas

Zv/ministri i jashtëm grek, Georgios Katrougalos i ka telefonuar ministrit të Jashtëm, Ditmir Bushati duke i kërkuar zbardhjen e ngjarjes për vrasjen e 35-vjeçarit Kostandinos Kacifas.

“I theksova nevojën e bashkëpunimit, me respekt në pavarësinë e drejtësisë në të dy palët”, ka thënë Katrougalos.

Deklaratat e numrit dy të diplomacisë greke u bënë gjatë një interviste në radion greke Real FM, i cili theksoi se hetimet nga Athina kanë nisur në bazë të nenit 7 të Kodit Penal që lejon hetimet paralele kur kemi vepër penale ndaj një qytetari grek”.