Këtë të premte, kreu i Grupit Parlamentar i PS-së, Taulant Balla në një dalje nga selia e partisë, foli me gazetarët për Kongresin që do të mbajë nesër kjo forcë. Por incidentet nuk munguan. Teksa po fliste para gazetarëve, një person që po dëgjonte Ballën nisi të bërtiste ”Poshtë diktatura! Mos fol mo o burrë. Mos fol”! Këtë moment, Taulant Balla e kaloi me të qeshur dhe për disa sekonda ndërpreu fjalën për të vijuar më pas sërish me përgjigjen e pyetjeve të gazetarëve.
