Kruja vijon që të jetë një zonë e nxehtë për prodhimin e lëndëve narkotike. Këtë e konfirmoi në seancën plenare të kësaj të hëne prokurori i Përgjithshëm Olsian Çela, ndërsa sqaroi dhe deklaratën se Gjirokastra ishte qarku me kriminalitetin më të lartë,
”Në këtë grup veprash penale kultivimi i lëndëve narkotike zë 52% të totalit të veprave penale. Mbetet një fenomen shqetësues, sidomos në rrethin e Krujës ku prokuroria e Krujës ka numrin më të lartë të procedimeve penale. Ka rezultuar efektive, numri i procedimeve penale që janë dërguar për gjykim është i lartë që tregon punë efikase në hetime e ndjekje penal. Numri i veprave penale pa autor ka rënie të numrit të procedimeve penale të pezulluara për 2020. Mbetet problem, konstatimi e në thelb është përgjegjësi e policisë kryerja e veprimeve për zbulimin e autorëve të veprave penale”, tha ai.
