Edhe këtë të enjte, maxhoranca votoi projektligjet pa opozitën. Ndonëse opozita nuk ka qenë nuk ka qenë prezente, mazhoranca miratoi dy projektvendime dhe një projektligj.
Konkretisht u miratua projektligji “Për përfundimin e procesit të privatizimit të objekteve të ish-ndërmarrjeve bujqësore” me 63 vota pro dhe 5 kundër. Kuvendi i dha dritën jeshile projekt-vendit “Për caktimin e anëtarësisë së komisioneve të përhershme të Kuvendit” me 64 dhe asnjë kundër.
PS-ja miratori edhe projektvendim “Për zgjatjen e afatit të veprimtarisë së Komisionit të Posaçëm Parlamentar për Realizimin e Reformës zgjedhore” me 63 vota pro dhe 1 kundër. Nga opozita, në sallën e seancës plenare ishin prezentë vetëm disa deputetë të Partisë Demokratike të vulës.
Kuvendi vendosi shtyrjen për në seancën e radhës të votimit për raportin vjetor të Këshillit Kombëtar për Integrimin Evropian për vitin 2022 dhe projektvendimit “Për zgjedhjen e një anëtari të Komisionit të Konkurrencës”. Propozimi për shtyrjen e hedhjes në votim të këtyre dy pikave të parashikuara në rendin e ditës erdhi nga kryetari i grupit parlamentar të PS-së, Taulant Balla.
