Një alarm u dha para parlamentit grek, ku një qytetar ka kërcënuar se do hidhte në erë zonën.
Mediat e vendit fqinj raportojnë se ngjarja është regjistruar mëngjesin e sotëm para monumentit të Ushtarit të Panjohur.
Bëhet fjalë për një shtetas grek, i cili teksa drejtonte një makinë mbante në dorë një kanaçe me benzinë dhe vaj, ndërkohë që bërtiste; “Do t’ju hedh në erë”.
Po ashtu mësohet se në makinën e autorit shkruhej; “Turqit dhe Gjykata Popullore sundojnë Evropën.”.
Pas kësaj, efektivët e policisë kanë mbërritur në vendngjarje duke neutralizuar personin ende të pa identifikuar.
