Kryeministri Edi Rama ka reaguar lidhur me rezultatin e zgjedhjeve në Kukës, ndërsa thotë se kandidati i PS po shkon drejt një fitoreje shembullore.
“Kur janë numëruar pak më shumë se gjysma e kutive të votimit, kandidati i Partisë Socialiste për Bashkinë e Kukësit ka një avantazh të pakthyeshëm prej thuajse 3000 votash, i cili do të thellohet ende deri në kurorëzimin e një fitoreje shembullore, që flet qartë për besimin dhe për pritshmërinë e qytetarëve kuksianë ndaj nesh, si edhe për detyrimin tonë të madh ndaj tyre, për të bërë shumë më shumë akoma për Kukësin🙏
FALEMINDERIT KUKËS, FALEMINDERIT TË GJITHËVE”, shkruan Edi Rama më një reagim në rrjetet sociale.
