Real Madrid bën detyrën në shtëpi, duke mundur Granadën 1-0 në ndeshjen e javës së 23-të në “Santiago Bernabeu. Myrto Uzuni debutoi në La Liga me Granadën dhe luajti për 80-të minuta, pas transferimit të tij nga Ferencvaros.
Sulmuesi shqiptarkishte shansin të debutonte me gol, kur në minutën e 36-të u ndal nga Courtois. Në fraksionin e dytë, Real Madrid theksoi akoma dhe më shumë dominimin. Në minutën e 74-t, Marco Asensio realizoi një gol klasi nga distanca, duke bërë diferencën në një nga mbrëmjet më të vështira për “Los Blancos”.
Real Madrid shkon në kuotën e 53 pikëve duke u shkëputur në krye, në +5 nga vendi i dytë që mbahet nga Sevilla, ndërkohë kjo ishte fitorja e 16-të sezonale.
