Sezoni turistik e gjen Shëngjinin pa ujë e drita, kjo duke shtuar problemet për operatorët turistikë në këtë zonë të populluar gjatë muajve të verës.
”I them vetes gjithmonë pse investova këtu për shkaqet e energjisë dhe ujit. Faktorët kryesor të jetës mungojnë. Ky zhgënjim nuk është vetëm për mua, por për të gjithë turizmin dhe at që vijnë dhe bëjnë turizëm në Shqipëri. Për ekonominë do jetë një pengesë. Do të kërkoja nga qeveria të jenë më të përgjegjshëm”,-tha një banor i zonës.
Operatori i Sistemit të Shpërndarjes, sqaron se aktualisht janë duke bërë remont në rrjet për rritjen e sigurisë se furnizimit me energji elektrike gjate sezonit turistik në qytet dhe njësitë përreth. Mësohet se shumë shpejt do të nise zbatimi i projektit për ujësjellësin e ri.
