Shpimet kanë rifilluar pranë grykës së një tuneli në shtetin Uttarakhand të Indisë, ku 41 punëtorë kanë mbetur të bllokuar prej 10 ditësh.
Puna ishte ndërprerë të premten pasi persoant e ekipit shpëtues dëgjuan një zhurmë kërcitjeje gjatë shpimit.
Zyrtarët thonë se po rishikohen plane të tjera për të shpëtuar burrat, duke përfshirë shpimin nga maja e malit, e cila mund të rezultojë një zgjidhje e duhur.
Punëtorët po ndërtonin tunelin kur një pjesë e tij e rrëzoi atë më 12 nëntor për shkak të rrëshqitjes së dheut.
Autoritetet arritën të vendosnin kontakte me burrat e bllokuar disa orë më vonë dhe po i furnizonin me oksigjen, ushqime të thata dhe ujë përmes një tubacioni që ishte vendosur për furnizimin me ujë të tunelit për punimet e ndërtimit.
Të hënën, të afërmit në ankth të grumbulluar rreth tunelit përjetuan pak lehtësim kur një kamera endoskopike – rrëshqiti brenda përmes një tubi të ri – kapi pamjet e punëtorëve. Zyrtarët i kërkuan që të identifikoheshin para kamerës dhe i siguruan se do të shpëtoheshin së shpejti.