Spezia nuk zhvilloi një lojë të mirë, por doli me një barazim 2-2 ndaj Salernitanës. Mes protagonistëve ishte Rey Manaj, i cili javët e fundit ka zënë vendin si titullar dhe dje ka shënuar edhe golin e dytë sezonal nga pika e bardhë.
Për Gazzetta dello Sport, megjithatë, “ndaj Fazios mund të kishte bërë më shumë”. Nga ana tjetër, Corriere dello Sport shkruan: “Të paktën është i saktë nga pika e bardhë, shkoi mirë kështu”.
Tuttosport: “Luftëtar. Përkushtohet në repartin e avancuar me vrapime dhe bërryla ndaj rivalëve”.
Il Secolo XIX shton: “Lëviz mirë në majtën e sulmit dhe tregon personalitet”.
Në fund është shkrimi i TMW: “Tani është zot i sulmit te Spezia, teksa mbrëmjen e djeshme shënoi penalltinë e parë, golin e dytë sezonal. Në pjesën e dytë bëri përpjekje të mira, duke mos u dorëzuar asnjëherë”.
Votat
TMW : 7
Gazzetta dello Sport : 6.5
Corriere dello Sport : 6
Tuttosport : 6
Il Secolo XIX : 6.5
/R.Lika-Koha Jonë/
