James Arthur vjen ndryshe me albumin e radhës

Deri më tani James Arthur ka ndërtuar karrierën e tij me balada. Duke filluar nga kënga që prezantoi në X Factor, cover i “Impossible” nga Shontelle, e deri tek hiti “Say You Won’t Let Go”, ai ka dëshmuar që mund të prekë zemrat e secilit prej nesh. Megjithatë duket që vetë këngëtari dëshiron të bëjë një ndryshim. Në një intervistë ai ka thënë që nëpër koncerte performon edhe zhanre të tjera të muzikës, mirëpo janë baladat ato që përfundojnë nëpër radio dhe top lista. “Kam filluar të ndjej nevojën për prurje të reja, të bëj diçka që askush nuk e pret nga unë”, ka thënë Arthur. Mbetet të shihet se çka do të sjellë këngëtari.