Vajza udhëton Europën për të parë vendet ku u xhiruan skenat e Game Of Thrones

Duket se pasioni për serialin Game of Thrones ka bërë që njerëzit të lënë gjithçka dhe të nisen në udhëtime plot mistere dhe aventurë. Kështu ka bërë blogerja e njohur gjermane Andrea David, e cila nisi të eksplorojë Europën me një qëllim të vetëm. Të gjejë vendet e sakta ku janë xhiruar skenat e serialit shumë të famshëm “Game Of Thrones”. Andrea është duke vizituar vendet ku HBO ka bërë filmimet, duke e dokumentuar çdo gjë me një fotografi nga skena, të lidhura me vendin real. Nga shkallët jezuite në Dubrovnik, Kroaci deri në Carnlough, në Irlandën e Veriut, Andrea po ndjek hapat e Daenerys, Arya, Jon Snow dhe karaktereve të tjera që pëlqehen pafund nga fansat e këtij seriali.