Deri më tani nga të riatdhesuarit nga kampet në Siri, nuk kanë treguar se kush është financuesi i tyre. Brunilda Koçollari, Entela Vladi, Ruzhdije Balliu, Lavdije Kaca e Klotilda Zani janë 5 gratë që u rikthyen në atdhe pak ditë më parë dhe do të pyeten nga Prokuroria e Posaçme, lidhur me itinerarin që ato kanë ndjekur për të mbërritur në Siri.
SPAK do të kërkojë informacion për rekrutuesit, financuesit dhe personat që i kanë ndihmuar ato të kalojnë nga Shqipëria në Turqi, me destinacion final Sirinë. Një tjetër çështje me rëndësi për hetimin, i cili ka nisur vite më parë nga një procedim i ish-Prokurorisë për Krimet e Rënda, ka të bëjë me faktin se kush i rekrutoi dhe financoi shqiptarët që shkuan për të luftuar për ISIS në Siri.
17 persona vijojnë të mbeten në kampin ”Al-Hawl” ndërsa situata është mjaft e vështirë. Ato janë: Eva Dumani, Myrvete Dibra, Hajrije Taushani, Emanuela Daci dhe Elona Shuli janë familjet të cilat nuk dolën gjatë operacionit të parë, ndërsa disa prej tyre kërkojnë të rikthehen në atdhe.
