Skena e kaosit brenda dhe përreth aeroportit të Kabulit është tronditëse, me mijëra afganë që përpiqen dëshpërimisht të ikin nga vendi. Shumica e incidenteve të dhunës raportohen në hyrje të aeroportit, ku talebanët zmbrapsin turmat, duke përdorur armë, shkopinj druri dhe gome. Të paktë janë ata që arrijnë të kalojnë.
New York Times përmes imazheve satelitore tregon hyrjet drejt aeroportit dhe se si talebanët arrijnë t’i bllokojnë, ku ndodhen patrullat dhe ku janë afganët që përpiqen të shpëtojnë. Ndërkohë, një video që qarkullon në internet tregon një vajzë të vogël që iu dorëzohet ushtarëve britanikë dhe amerikanë në aeroportin e Kabulit mbi murin brenda.
I pyetur për videon, Sekretari i Mbrojtjes Ben Wallace tha se Britania nuk ishte në gjendje të largonte fëmijët e pashoqëruar nga Afganistani, duke shtuar “Fëmija u mor sepse familja e tij gjithashtu është larguar”. Wallace gjithashtu vuri në dukje se trupat britanike në aeroport po përballeshin me një situatë kritike.
“Është shumë e vështirë për ushtarët të merren me disa njerëz të dëshpëruar, shumë prej të cilëve thjesht duan të largohen nga vendi” tha ai. Shumë familje kanë kampe jashtë portës kryesore dhe rrugëve përreth, duke u përpjekur të sigurojnë një vend në një fluturim jashtë vendit. Që nga e diela, 12 persona janë vrarë në dhe përreth aeroportit të Kabulit.
