50 ndeshja pa pësuar gol në Champions, vetëm dy portierë kanë bërë më mirë se Buffon

Fitorja 2-0 e PSG ndaj Manchester United, të martën në mbrëmje, ishte e veçantë për portierin veteran, Gianluigi Buffon. Në këtë ndeshje, italiani zyrtarizoi 50 ndeshje pa pësuar gol në garën elitare të klubeve europiane.

Në sfidën që u luajt në “Old Trafford”, Buffon nuk pati ndonjë kërcënim të rrezikshëm nga sulmuesit e Manchester Unitedit, edhe për shkak të mbrojtjes së mirë të Kimpembe dhe Thiago Silva, për të mos përmendur Marquinhos, i cili bëri edhe mesfushorin.

Buffon renditet i treti në listën e portierëve që e kanë mbajtur më shumë kuadratin e tyre të paprekur në Ligën e Kampionëve, pas Iker Casillas (59 ndeshje) dhe Edwin van der Sar (51 ndeshje).