Marok-Iran, zbulohen formacionet e ndeshjes së grupit B

Dueli që do të ngrejë siparin e grupit B në Kupën e Botës, është ajo mes Marokut dhe Iranit, e planifikuar të luhet pas pak minutash në “Saint-Petersburg Stadium”.

Të dyja skuadrat do të provojnë që të marrin pikët e para dhe ndoshta të fundit në këtë grup, pasi dy skuadrat e tjera janë Portugalia dhe Spanja dhe vështirë që ndaj tyre të pretendohet diçka pozitive.

Maroku do të luajë me vendosjen 4-1-4-1, teksa futbollisti më i njohur i tyre është kapiteni Benatia që aktivizohet me Juventusin. Në krahun tjetër Irani kundërpërgjigjet me vendosjen 4-2-3-1, teksa futbollisti më i spikatur është talenti Jahanbakhsh.