Agjenti i Hysajt: Është një ndër më të fortët në Europë!

Elseid Hysaj është pjesë e Napolit prej tre sezonesh, teksa i ka bindur të gjithë edhe skeptikët me formën që ka treguar gjatë këtyre viteve nën drejtimin e Sarrit.

Së fundmi ka folur sërish menaxheri i tij Mario Xhiufredi, i cili në Radio Tuttomercatoueb ka thënë mes të tjerash: “Hysaj është një nga lojtarët më të fortë në Europë dhe mund të ketë kërkesa për të. Nëse merren parasysh ofertat, atëherë do të mendohemi”.

Mbrojtësi i Napolit është lidhur shpesh me klube të mëdha si Juventusi në Itali, Çelsi, por edhe Mançester Junajtid në Angli. Hysaj në fakt ende nuk ka gjetur rrugën e rrjetës me Napolin, por kjo sigurisht që nuk ndikon në gjykimin për vlerave të tij.  Madje në mediet italiane thuhet se kontrata e re mund të zgjatet deri në qershor të vitit 2023.