Ajax konfirmon transferimin e De Ligt te Juventusi

Sporti E Martë, 28 Shtator 2021 11:19

Matthijs de Ligt është më pranë se kurrë transferimit te Juventusit. Pas raportimeve të gazetës holandeze “De Telegraaf”, Ajaxi sot ka konfirmuar se mbrojtësi nuk do të shkojë në grumbullimin e Bramberg të Austrisë me pjesën tjetër të ekipit.

Në një publikim në rrjetet sociale, kampionët e Holandës e kanë justifikuar me faktin që është në tratativa. Të dyja ekipet kanë arritur një akord për shifrën e 70 milionë euro.

Për De Ligt ndërkohë është gati një kontratë 5-vjeçare, nga e cila do të përfitojë 12 milionë euro në sezon (bonuse të përfshira) dhe do të ketë një klauzolë lirimi prej 150 milionë eurosh. /R.Lika-Koha Jone/