Ancelotti drejt Premier League, por jo në stolin e skuadrës së Arsenalit

Carlo Ancelotti nuk humbet asnjë minutë kohë dhe është menjëherë pranë një tjetër aventure të re në karrierë. Po përflitet shumë për një marrëveshje me Arsenalin madje avokatët e teknikut kanë kontaktuar me drejtuesit e topçinjve. Sipas raportimeve të tabloidit “The Sun” është e vërtetë që tekniku nga Regiolo ndodhet në Londër, por për momentin nuk po bisedon me klubin bardhekuq por me Evertonin.

Pronari i “The Toffies ” Fahrad Moshiri dhe administratori Bill Kenwright ndodhen në kryeqytetin e Anglisë dhe është zbuluar se kanë nisur  negociatat me trajnerin 3 herë fitues të Uefa Champions League.

Evertoni aktualisht ndodhet në vendin e-14-të dhe Ancelotti shihet si njeri më i përshtatshëm për ta nxjerrë skuadrën nga kriza, për momentin ka vetëm bisedime dhe asnjë marrëveshje edhe pse Ancelotti duket më i tërhequr nga një aventurë e mundshme me Arsenalin.