Ancelotti humbet dy yje pas duelit ndaj Liverpoolit për shkak dëmtimi

Pas fitores 5-2 në Anfield ndaj Liverpoolit, Real Madridi merr lajme aspak të mira nga infermieria. Los Blancos, në faqen e tyre zyrtare, kanë njoftuar se Carlo Ancelotti do të duhet të bëjë pa David Alaba dhe Rodrygo, të dy të dëmtuar.

Nuk dihet ende se sa do të jetë periudha e rikuperimit, por me shumë mundësi do të humbasin sfidën e kthimit ndaj Liverpoolit. Gjithsesi, pavarësisht të gjithave, trajneri Ancelotti ka një grup të pasur lojtarësh dhe zëvendësimi nuk do të jetë aspak një problem për të.