“Arratiset” Portugalia, + 5 nga Shqipëria, Ronaldo tre gola Armenisë

Armenia e nisi me gol ndeshjen ndaj Portugalisë. Marcos Pineiro Pizzelli shënoi në 15 minutat e para të ndeshjes, duke tronditur Portugalinë. Por në një skuadër ku luan fituesi i Topit të Artë në fuqi, vështirë se mund ta ndalësh në fushë. Portugezi i Realit të Madridit shënoi një tripletë dhe i dha fitoren skuadrës së tij.  Në  29’,  gjyqtari dha një 11-metërsh dhe  Cristiano Ronaldo e ktheu në gol. Në  55’, Ronaldo shënoi golin e dytë dhe në 58’  Ronaldo trefishoi shifrat.  Në 72' Hrayr Mkoyan e çoi rezultatin në 2-3. Me këtë fitore, Portugalia shkëputet në krye të Grupit I, me 12 pikë. Shqipëria dhe Danimarka kanë nga 7 pikë dhe do të ndeshen me njëra-tjetrën në shtator. Por danezët luajtën ndaj Serbisë në mbrëmje dhe në rast fitoreje, kishin shansin të shkëputeshin.