Arrihet akordi, Berisha pranë klubit të ri në Seria A

Etrit Berisha nuk bën pjesë në planet e skuadrës së Atalantës dhe ky tashmë nuk është më një lajm i ri në Itali. Portieri i kombëtares sonë është në kërkim të një skuadre ku do ta ketë të sigurt rolin e titullarit. Gasperini në gjysmën e dytë të sezonit të fundit preferoi Gollinin para Berishës.

Sipas “La Gazzetta dello Sport”, portieri shqiptar është pranë një marrëveshje me Spal, që ka nisur negociatat me Atalantën. Raportet e mira mes të dyja klubeve mund të bëjnë që transferimi të mbyllet shumë shpejt.

Në sezonin e fundit Berisha u aktivizua në 22 ndeshje, duke pësuar në total 30 gola, një formë aspak e mirë që bëri që ai të ulej më pas në stol.  /R.Lika-Koha Jone/