E KRYER/ Arrihet akordi për një shkëmbim mes Juves e Romës

30 qershori po afrohet, teksa Roma po nxiton për të rregulluar buxhetin. Kjo është arsyeja që klubi verdhekuq po lëviz në merkato, pasi dështuan për të rrëmbyer Gerson nga Genoa. Gazetari i “Sky Sport”, Gianluca Di Marzio raporton se Juventusi dhe Roma, kanë arritur marrëveshje për shkëmbimin mes Pellegrinit dhe Spinazzolës.

Tashmë ka mbetur për t’u diskutuar vetëm për pagat e lojtarëve. Nëse gjithçka do të shkojë mirë, të dy lojtarët do të bëjnë nesër vizitat mjekësore. Pellegrini debutoi sezonin e kaluar në Seria A dhe Ligën e Kampionëve, teksa gjatë janarit u huazua te Cagliari ku konfirmoi faktin që ishte një futbollist shumë i talentuar.

Spinazzola ndërkohë u rikthye nga dëmtimi i gjatë nga janari, ku edhe pati në disa ndeshje hapësira. Pelegrini ndërkohë ka qenë gjithmonë në orbitën e Juventusit, që gjithmonë shfaq interes për talentet më të spikatur në Itali. /R.Lika-Koha Jone/

Accordo totale tra @OfficialASRoma e @juventusfc per lo scambio #Pellegrini–#Spinazzola, ora da definire gli ingaggi dei giocatori. Se tutto ok in serata, domani visite mediche per entrambi @SkySport #calciomercato

— Gianluca Di Marzio (@DiMarzio) June 28, 2019