Arsenal shkarkon trajnerin Unay Emery, emëron përkohësisht Ljungberg

Unai Emery nga sot nuk është më trajner i Arsenalit. Barazimi ndaj Southampton në fundjavë dhe humbja ndaj Frankfurt të enjten në Europa League brenda në Emirates Stadium kanë rezultuar fatale për trajnerin spanjoll i cili është shkarkuar nga detyra si trajner i skuadrës londineze pas rreth 1 viti e gjysmë.

Për momentin Emery do të pasohet nga suedezi Freddie Ljungberg zëvendësi i tij i cili ka bindur në ato pak muaj që ka drejtuar skuadrën e të rinjëve. Megjithatë ish-mesfushori i Arsenalit do të jetë vetëm një trajner provizor në pritje që klubi të gjejë pasuesin e Emery edhe pse nuk përjashtohet mundësia që Ljungberg të ketë fatin e Hansi Flick i cili u konfirmua nga Bayerni deri në fund të sezonit, nëse bën mirë në ndeshjet e tij të para me topçinjtë.

Ecuria e Arsenalit në javët e fundit ka qenë shumë e dobët, 7 ndeshje pa fitore. Në 20 vite me Arsene Ëenger në stol, Arsenali nuk kishte përjetuar asnjëherë një krizë të ngjashme rezultatesh.