Arteta rrëfen përvojën pas koronavirusit: Për 3-4 ditë mu rikthyen energjitë!

Trajneri i Arsenalit, Mikel Arteta konfirmon se është shëruar plotësisht nga koronavirusi. Spanjolli ishte ndër të parët figura të profilit të lartë në futbollin anglez që doli pozitiv me Covid-19.

“Unë jam shumë mirë tani, ndiej se jam shëruar. Mu deshën tre ose katër ditë të filloja të ndjehesha shumë më mirë dhe me më shumë energji, për t’i lënë simptomat pas dhe tani, e vërteta është se ndihem shumë mirë”, deklaroi strategu 37-vjeçar.