Atletico Madrid shumë i fortë për Getafen, Griezmann nuk i ndahet golit (VIDEO)

Atletico Madrid ka fituar me lehtësi 2-0 ndaj Getafes. Skuadra e Diego Simeone-s ka triumfuar ndaj një prej skuadrave më në formë, duke rrëmbyer suksesin e tretë radhazi në kampionat.

Griezmann zhbllokoi ndeshjen që në minutën e 27-të me një goditje precize në hyrje të zonës. 10 minuta më pas Saul do të konkretizonte një aksion të gjatë, duke i dhënë 3 pikët e radhës Atleticos.

“Los Colchoneros” shkon në kuotën e 44 pikëve, dy më pak se Barcelona kryesuese që ka një ndeshje më pak.