Atletico Madridit e vëzhgon, por e ardhmja e Hysajt mund të varet nga Sarri

Gjatë gjithë këtij sezoni, Elseid Hysaj ka qenë në një dilemë të madhe te Napoli dhe gjithmonë është përfolur një largim i mundshëm, i mbrojtësit shqiptar.

“Tuttosport” raporton se Hysaj me shumë mundësi do të largohet nga skuadra napoletane në fund të këtij sezoni.

Atletico Madrid është duke e vëzhguar lojtarin me shumë kujdes, por ajo që e frenon klubin spanjoll është shifra e 40 milionë eurove, që kërkon Napoli.

Nga ana tjetër Hysaj ndiqet dhe nga Sarri, i cili e ka stërvitur lojtarin shqiptar tek Empoli dhe Napoli.

Tekniku do të presë të shohë të ardhmen e tij dhe në skuadrën, që do të drejtojë, do të ketë si kërkesë ndaj klubit të ri, blerjen e Hysajt.

Do të jetë një verë e gjatë për shqiptarin, i cili nën drejtimin e Ancelotit, nuk po gjen dot formën më të mirë.