Atletico tjetër hap fals në La Liga, mundet nga Eibari (VIDEO)

Atletico Madrid ka pësuar një humbje të papritur në transfertën ndaj Eibarit. “Los Colchoneros” u ndëshkuan me dy gola në fillim dhe në fundin e sfidës, duke vuajtur presionin fizik dhe psikologjik të një ekipi që vrapoi shumë dhe e meritoi suksesin 2-0.

Burgos zhbllokoi takimin që në minutën e 10-të, por u desh vetëm ndërhyrja e sistemit VAR për ta quajtur të rregullt, pasi anësori fillimisht sinjalizoi në mënyrë të gabuar për pozicion jashtë loje.

Atletico i pati rastet e saj, sidomos me Angel Correan, për ta barazuar takimin, por i shpërdoroi mundësitë, ndërsa në minutën e fundit të kohës së rregullt Exposito realizoi edhe golin e dytë.