Bale dhe Reguilon, Mourinho me goditje të dyfishtë në merkato

Gareth Bale dhe Sergio Regulion shumë shpejt do të zyrtarizohen te skuadra e Tottenham. Dy lojtarët kanë kaluar edhe vizitat mjekësore në Madrid dhe në orët e ardhshme do të udhëtojnë drejt Londrës për të firmosur kontratat dhe për t’u prezantuar te Spurs-at.

Nëse Regulion do të transferohet në formë përfundimtare për shumën e 30 milionë eurove, Gareth Bale do të huazohet për një sezon te Tottenham aty do të rikthehet pas shumë vitesh, teksa Reali do t’i paguajë 60% të pagës prej 17 milionë eurosh ndërsa Tottenham do të paguajë vetëm 40% të kësaj shifre.

Regulion shkëlqeu si i huazuar te Sevilla me të cilët u kualifikua në Champions League nëpërmjet kampionatit dhe fitoi Europa League. Ndërkohë që vlerat e tBale nuk vihen në diskutim pavarëisht se ai ka kaluar momente aspak të mira te skuadra madrilene në sezonet e fundit.