Barcelona bën gati 112 milionë euro për Lautaro Martinez

Barcelona është duke përgatitur një ofertë prej 112 milionë eurosh për sulmuesin e Interit, Lautaro Martinez, i cili po shkëlqen në Kupën e Amerikës. Ai ka qenë një ndër surprizat më të mëdha të kësaj vere, duke marrë vlerësime të shumta pas golave të shënuar.

Lautaro është golashënuesi më i mirë në epokën Lionel Scaloni, duke realizuar 5 gola në 9 ndeshje, me një mesatare më të mirë se Messi. Sipas Radio La Red, Barcelona ka vendosur që Martinez të jetë zgjedhja e parë në merkato, duke injoruar Mauro Icardin. Ky është një hap i madh për sulmuesin, i cili u ble vetëm për 14 milionë euro plus bonuset, një vit më parë.

Lautaro ka një klauzolë lirimi me vlerë 112 milionë euro në kontratën e tij. Zikaltrit mund ta lënë të lirë për të tentuar më pas afrimin e Lukakut dhe Edin Dzekos. /Koha Jone/