Barcelona fiton me vuajtje ndaj vendit të fundit në renditje, vendos Vidal (VIDEO)

Barcelona ka arritur që të marrë një fitore me përmbysje 2-1 ndaj vendit të fundit në renditje, Leganes. Skuadra e Ernesto Valverde vuajti shumë në transfertë ditën e sotme, duke zhvilluar një ndeshje të dobët edhe pse në fushë kishte katër sulmues: Messi, Suarez, Griezmann dhe Dembele.

Sfida nisi në “malore” për blaugranët që u gjendën në disavantazh që në minutën e 12-të. Youssef En-Nesyri me një lëvizje në zonë, arrin që ta dërgojë topin në cepin e portës së Ter Stegen.

Në fillimin e pjesës së dytë, Barcelona gjeti golin e barazimit me Luis Suarez, që shfrytëzoi më së miri me kokë një krosim të Messit në zonë. 10 minuta nga fundi, Arturo Vidal arriti që të shënonte golin e avantazhit dhe të fitores, duke shfrytëzuar një pasim që erdhi nga një futbollist i vendasve dhe sipas rregullores nuk cilësohet në pozicion jashtë loje.

Me këtë fitore Barcelona ruan kryesimin e kampionatit me 28 pikë, ndërkohë që Leganes mbetet e fundit me vetëm 6 pikë. /R.Lika-Koha Jone/