Barcelona merr më në fund vendimin për Valverden

Ernesto Valverde do të vijojë që të jetë trajner i Barcelonës edhe në sezonin 2019/20. Lajmin e shumëpritur e ka dhënë presidenti i klubit blaugrana, Josep Bartomeu.

Humbje e papritur me përmbysje 4-0 nga Liverpooli në ndeshjen e kthimit të gjysmëfinaleve të Championsit, dhe humbja në finalen e Kupës së Mbretit, shkaktoi shumë zhgënjim te katalanasit. Gjithsesi kjo nuk ka ndryshuar vendimin e drejtuesve për të ndryshuar trajnerin dhe stafin e tij.

Valverde ka një kontratë deri në vitin 2020 me blaugranët, me mundësinë për ta zgjatur edhe për një sezon. Trajneri i Belgjikës, Roberto Martinez, i cili u përfol për ta zëvendësuar, do të mbetet në pritje të zhvillimeve të reja te katalansit. /R.Lika-Koha Jone/