Bayerni bën një tjetër ofertë për talentin e Chelsea-t

Bayern Munich nuk ka ndërmend që të heqë dorë nga Hudson-Odoi. Bavarezët e kërkuan që në merkaton e dimrit djaloshin e talentuar por hasën në rezistencën e klubit anglez por më pas një dëmtim i rëndë la në heshtje një operacion të tillë.

Shtypi anglez së fundmi ka zbuluar se Bayerni është rikthyer në sulm për 18-vjeçarin me një ofertë prej 25 milionë euro e cila është refuzuar nga Chelsea. Këta të fundit do të bëjnë të pamundurën që të rinovojnë kontratën e sulmuesit e cila skadon sezonin e ardhshëm.

Blutë e Londrës nuk duan që të shesin më asnjë futbollist, pasi kanë larguar Eden Hazard te Real Madridi.