Bayerni kërkon zëvendësues për Neuer, gati transferimi i portierit ekspert për penallti

Bayern Munich është në kërkim të një zëvendësuesi, pasi Neuer ka mbyllur sezonin.

Emri më i lakuar në këto ditë të para të vitit 2023 është ai i Yann Sommer, portierit ekspert të Borussia Moenchengladbach, që sipas “Suddeutsche Zeitung”, në orët e fundit ka pranuar një transferim në Bavari.

Gardiani i ka shprehur dëshirën e tij për të provuar një eksperiencë me kampionët e Gjermanisë edhe klubit aktual. Gladbach pretendon të paktën 5 milionë për të lënë të lirë lojtarin, të cilit i skadon kontrata në 30 qershor.