Bayerni ndalet edhe ndaj Frankfurtit, hapet beteja për titull (VIDEO)

Bayerni nuk di të fitojë më. Për të tretën ndeshje radhazi, skuadra bavareze ka barazuar në shifrat 1-1, këtë herë ndaj Eintracht Frankfurt në “Allianz Arena”.

Skuadra e Nagelsman ishte e para kaloi në avantazh në minutën e 34-t, Muller gjeti Sane në zonë dhe sulmuesi nuk fali përballë portierit Trapp.

Megjithatë Eintracht Frankfurt nuk hoqi dorë për asnjë moment nga kërkimi i golit të barazimit, të cilin e gjeti në minutën e 69-të me anë të sulmuesit francez Kolo Muani, i cili shënoi për herë të 7 këtë sezon në Bundesligë.

Trajneri Nagelsmann bëri disa zëvendësime, në tentativë për të gjetur golin e fitores, megjithatë deri në fund rezultati mbeti i pandryshuar dhe të dy skuadrat ndanë nga një pikë.

Bayern mbetet në krye, por diferenca me Union Berlin është vetëm një pikë më pak, ndërsa Leipzig ka dy më pak.