Bayerni zyrtarizon afrimin e Hernandez dhe Pavard

Benjamin Pavard dhe Lucas Hernandez janë zyrtarizuar si blerjet më të reja të Bayern Munich. Edhe pse marrëveshja me Shuttgartin ishte zyrtarizuar që në  datën 9 janar, kampionët e Gjermanisë vetëm sot kanë bërë të ditur transferimin e 23-vjeçarit në “Allianz Arena”.

Për të bërë të mundur kalimin e Pavard në Bavari, Bayerni ka paguar klauzolën e largimit të lojtarit nga Shtuttgarti që kapi shifrën 35 milonë euro. Pavard ka firmosur me Bayernin për 4 vite. Ndërkohë që për mbrojtësin tjetër të krahut të majtë, kampionët e Gjermanisë paguan plotë 80 milionë euro.