Benatia bën një parashikim, “Bayern fiton 4-0 me Barcelonën”

Bayern Mynich humbi 3-0 në ndeshjen e parë me Barcelonën në “Camp Nou” dhe ka zbehur shanset për kualifikimin në finale të këtij kompeticioni, por bavarezët besojnë ende.   

Mbrojtësi i Bayern Munichut, Medhi Benatia, beson se skuadra e tij mund ta mposhtë Barcelonën me rezultat 4-0 dhe të kualifikohet në finale të Ligës së Kampionëve.

Benatia me shokët e tij u mposhtën me rezultat 3-0 në Camp Nou kundër Barcelonës në ndeshjen e parë gjysmëfinale të Ligës së Kampionëve, mirëpo ai beson se në ndeshjen kthyese në Gjermani gjërat mund të ndryshojnë. – “Nuk është e lehtë, por nëse nuk besojmë, atëherë mund të rrimë në shtëpi”, ka thënë fillimisht Benatia. – “Ne gjithashtu kemi lojtarë të mëdhenj dhe aftësi për të luajtur më mirë. Nëse arrijmë të godasim më shpejtë, ne do të shënojmë. Ne mund të fitojmë 4-0”, ka theksuar mbrojtësi bavarez.  – “Por, neve na duhet një ndeshje perfekte dhe që të krijojmë epërsi herët. Ne kemi dëshmuar se mund të shënojmë shumë gola në shtëpi”, ka shtuar Benatia.