Buffon sot mbyll aventurën 17-vjeçare me Juven: Do ta mbaj gjithçka me vete !

Gianluiggi Buffon luajti në muajin maj ndeshjen e fundit me Juven, por sot zyrtarisht sipas marrëveshjes kontraktuale do të përfundojë aventura e tij me bardhezinjtë.

Për këtë arsye portieri, i cili mund të vijojë të luajë sërish me PSG, ka bërë një status në rrjetet sociale.

“17 vjet bardhezi që përfundojnë zyrtarisht sot. 17 vjet miq, shokë, lot, fitore, humbje, trofe, fjalë, zemërim, zhgënjime, lumturi, shumë emocione. Kurrë nuk do të harroj asgjë. Do të mbaj gjithçka me vete”, ka shkruar Buffon.