Bufon do të tërhiqet, Anjeli i ka propozuar që të bëhet president i Juventusit

Pas triumfit në “Uembli” ndaj Totenhemit dhe sigurimit të një bilete për në fazën çerekfinale në Champions, te bardhezinjtë kanë filluar që të shfaqen fantazmat e së shkuarës. E ardhmja e Bufon vijon të jetë në dilemë, teksa portieri i bardhezinjve ende nuk ka vendosur nëse do të tërhiqet në fund të sezonit nga futbolli i luajtur.

E përditshmja “TuttoSport” ka zbuluar një ofertë të fundit që presidenti dhe njëkohësisht miku i tij, Andrea Anjeli, i ka bërë portierit dhe kapitenit të bardhezinjve. Edhe pse për momentin mbetet vetëm në kuadrin e zërave, portierit i është ofruar posti i presidentit të Juventusit, ndërkohë që Anjeli do të jetë angazhuar në zgjerimin e brendit në vende të ndryshme të Europës.

Në rast se Bufon vendos që të largohet nga futbolli në fund të sezonit, ai mund të luajë deri në dhjetor, nëse bardhezinjtë fitojnë Ligën e Kampionëve, për të marrë pjesë në Kupën e Botës për klube. /Koha Jonë/